Na presentación do Burato do inferno

O pasado venres estivemos presentando a novela gráfica de Xosé Manuel e Ramón Trigo. Os autores falaron do nacemento da idea e a súa realización como novela gráfica, ademais de realizar unha presentación en pantalla da que a penas podo dicir nada porque me pillou tan abeirado que con dificultade podía distinguir algunhas luces. A min tocoume falar das cualidades desta obra que estou seguro vai ter continuidade tanto en obras posteriores como en posibles versións noutros medios.

A voz rotunda de Tino Baz puxo remate a unha magnífica tarde nun marabilloso espazo, para min absolutamente descoñecido, como é o Museo do Mar de Galicia.