Está a punto de entrar nas máquinas a historia de Arturo, un pito que naceu no Hío hai uns seis anos. É o primeiro caso de eclosión dun ovo tras un periodo tan longo. O habitual é un periodo de 21 días de incubación, pero a galiña choca andaba a outras cousas e non se daba metido no niño para darlle a calor suficiente para que Arturo vise a luz.

Afortunadamente, a circunstancia mudou e a intervención dos galos convenceron á galiña de que había que darlle calor ao ovo.

Estou seguro de que será un libro que vos gustará. A saída está prevista en galego, castelán, portugués, eúscaro, catalán e agardamos que o poida facer tamén en catalán e italiano. Das presentacións que se programen iremos dando conta, así como das signaturas que poidan ter lugar (Madrid, Porto, Cangas, Vigo…) Se os editores xaponeses apostan, mesmo estamos dispostos para ver como florecen as ameixeiras e as cerdeiras no Xapón.

Advertisements

About xosemgonzalez

Nacín en Cangas a finais de 1960, puxéronme Xosé Manuel aínda que os meus libros van asinados como OLI, pero o meu nome completo é Xosé Manuel González. Tradutor, editor, director de coleccións infantís, amante do cine, do fútbol e da música, pero sobre todo da lectura.

Os comentarios están pechados.